來到復活節假期的最後一日,不想令自己太累以至第二天返工疲累,但又不想整日留在家等返工,多謝BLOG友失魂貓的介紹,一個在市區中心,充滿文化氣息的好去處-饒宗頤文化館.
交通極之方便,車程又短,美孚港鐡站B出口,中華電力公司變壓站隔離就有路上去.
是的,有少少樓梯路上去,但並不辛苦的,好快就可以到步.連氣喘的機會都無.
前身是荔枝角醫院的文化館,依山而建,分三段山坡.
第一坡段是入口是招待處和部份展館.可惜我撞正是週一展館例休,無緣參觀內裏的展覽.
不過內裏景色不錯,優閒就最合宜.
第一坡段,主要是紅磚屋,的確是帶有古典味,是拍攝理想地方.
計我話拍人像更適合.
當然這個也是不錯的人像選擇~~(饒宗頤先生銅像)
園內唯一的水池長着艷麗的荷花
單單是有限的荷花數量,便足夠拍攝一個小時以上,
而招待處內有相關的紀念品出售和單張免費取閱.
要從第一坡段往上參觀,除了行樓梯外,還可以選乘升降機
這種貼心的設施,方便了不少老人家和行動不便的遊人.
第二坡段主要是展館和唯一的食店
最平宜的套餐連加一小費約40多元
第三坡段全部都是旅館,最便宜的是一房二人單位,一晚約七佰元
相信比酒店和大多數旅館平宜.
而且地方幽靜
出入有接駁車
當然,既然是旅館,為了住客私隱,我是不能入內參觀,唯一可以參觀的就只有旅館接待處.
不過接待處也太過高雅了,古色古香,而且擺放了類似中國文學的書藉以供閱讀.
整體感覺良好,是個渡假休閒的地方.
三個坡段夾埋,地方算大,不過唔算好多地方行,因為旅館和展覽館佔去大部份地方,但若是喜欣看展覽,這裏算不錯.
交通便利,往返所需的時間短,
參觀完畢,還可以到美孚下午茶.
有機會都要去下。
回覆刪除不過唔好揀星期一,展館唔開就變咗無嘢睇.
刪除好介紹wor!
回覆刪除唔算好介紹啫,不過唔想用太多時間,又可以散下心,這裏都算唔錯.
刪除交通好方便呢!是看文物展覽吧?小禺搵日同家人去參觀吓 ~^^~
回覆刪除全部建築的前身都是醫院嗎?但旅館好新淨呢,不是新建的!?
我估有新建的掛,始於唔知前身是如何樣子,但今天就幾靚就真的.
刪除未必是文物展,我看主力是藝術品.
刪除好好的推介呀!^^
回覆刪除一般般啦,行過附近,順便入去都唔錯的,又不會用太多時間.
刪除很好的分享,謝謝!
回覆刪除謝謝讚賞,順路行開,上去都唔錯的.
刪除正wow, 方便又有不少題材可拍攝
回覆刪除可拍攝的題材其實唔多,但可以自己去引發靈感呢.
刪除好有特色嘅地方!但如果在呢度住一晚,附近有咩其他景點推薦or餐廳...?
回覆刪除既然就近美孚,就在美孚己經好多餐廳,而且美孚都有好美的公園,例如聞名的嶺南公園.
刪除香港人喜歡往外國跑,其實香港也有不少好去處,搵日去行下
回覆刪除好喎,不過無需刻意揾日去,他日行經美孚順便上去也不錯.
刪除不知是那些人會入住這間旅館呢?
回覆刪除咁就唔知囉,反正無限制對象,誰都可以吧,但本地人該不會入住,無此必要.
刪除你終於去左,有冇看攝影展和去吃下午茶?
回覆刪除那天是星期一,所有都休館啊~~我摸門釘了~~想試下餐廳食晏,但當天爆晒棚呢.
刪除居然還有旅館,下次朋友來介紹入住先!
回覆刪除應該就無酒店級服務,但價錢算好平,環境唔錯,算比美荷樓的青年旅舍環境更好。
刪除作者已經移除這則留言。
回覆刪除小荷花池拍攝也方便
回覆刪除其實個池唔係好大,花不算多.
刪除我都打算黎緊去行下~~
回覆刪除最好先查詢有咩展覽,否則可能唔多嘢睇,星期一各展館都閉館,只有接待處和餐廳照常開放
刪除