這天因為太太要往黃埔,為她所屬團體轄下的中心步行籌款,我就肩負帶她到這裏來的責任.
難得開步行之前有二人世界的棧機會,就做一件好耐無做過的事.......
嘆茶!可惜這裏的點心只是一般,而且我還吃了平生最厚皮的鹹水角...........
嘆完茶,她和團友會合,準備邁開步行之舉,而我先到海傍,準備自己一個人跑步.
本來她步行的路線和我跑步的路徑是相若的,只是我心中突然轉念,不如由這裏跑去郵輪碼頭吧.
如此就成了一個向左走,向右走的局面.
其實我是不熟路的,只知郵輪碼就在彼岸,而海邊就在右手面,在見不到海邊的路上,只要一味靠右邊走就一定無問題.
如此我就間中依海傍跑,間中又在街中間穿插.
大致上見不到街上有和我一樣的跑者,唯有相信自己的方向感(這正是我的弱點),憑感覺去跑.
經過的舊街和黃埔的高樓大廈有很大的反差,是一股舊的味道,是太太喜歡的風格.
終於跑到九龍城區或土瓜環連接官塘的地方,這地方還在建設中,加上假日,不要說人,連車都唔多一部.
以為跟着這未開通的車路就可以順利到達目的地的我,真是思想簡單.
不小心跑入工地郤番不出來,在工地轉來轉去.
看到九展,郤找不到出去的門口.
經過一番折騰之下,終於找到正確的出路,辛好我沒有放棄要依循來的路回去,否則白費了一番的堅持.
成功在望,經過的路都是美景.
總算抵逹目的地,累也值得的.
差不多跑了十公里,若計埋回程就已經十二公里多,正好為年初的渣打馬拉松十公里賽事來個熱身.
相信身在黃埔的太太正打算約我一齊回家時,得知我郤在郵輪碼頭,一定大吃一驚呢
你經過士瓜灣那舊區,那裡統稱為十三街,若你由海逸豪園反方向跑,經過紅磡碼頭,沿海旁可一路跑到尖沙咀碼頭,風景非常靚及沿路有兩部飲水機,碼頭有公厠。
回覆刪除多謝提點呀!本來係打算往尖沙咀跑,然後會合步行完的太太一起回家,不過之前在官塘跑步時一直懷疑可以由郵輪碼頭跑去土瓜灣,現在趁機反方向去證實。
刪除你好犀利啊!
回覆刪除我突然間爆seen
刪除即係10公里跑咗超過個半鐘?要再練吓先得喎.
回覆刪除嘩……你要求好高喎,能在一小時內跑畢十公里已經唔錯。
刪除冠軍-包手,都做唔到半個鐘跑十公里.
刪除我見好多初次跑既朋友都係一個鐘頭多小小.所以先覺得1小時38分長咗啲咋.
刪除或者我誤會咗其實係來回20公里?咁就超快.
刪除其實我真係要個半鐘內才可以跑畢十公里,所以我的水平真係麻麻。
刪除來回20公里,聽聞真係有人做得到。
刪除對不起我唔應該咁講,我自己分分鐘都跑唔晒十公里,請接受我道歉
刪除有咩好道歉喎。
刪除要既要既,口沒遮攔係唔啱.
刪除無啲咁事.
刪除謝謝你.
刪除第7幅............叮噹你採用這拍攝角度很好呢!
回覆刪除多謝讚賞,其實左右都是大廈,路又窄,想影埋個天空,就只有這種角度比較好。
刪除舊街的味道.........心心也喜歡...因為它充滿著懷舊色彩.........................
回覆刪除妳同我太太的品味,部份相似呢。
刪除順道穿插一下陌生的街道
回覆刪除對兩區的連接
加深了一份了解
這就是街跑的好處呢,真係可以感受新街老巷的味道。
刪除黄埔入啓德郵輪碼頭,沿路風光唔錯呀!
回覆刪除其實在黃埔土瓜灣那邊主要是舊街穿插,風景一般啦,郵輪碼頭就一流.
刪除