2013年9月22日 星期日

生日免費遊海洋公園

生日,其中一個着數就是可以慳了三佰零蚊入塲吧,但若只得自己進塲又未免孤單了,所以上年我撞正朋友找我帶路去參觀其他展覽,我便瞞着自己生日,帶着他們到別去,因為有知心朋友在身邊,比一切樂園更好.



但今年沒有朋友陪(其實沒有幾多個知我正確生日日子),家人又必須另有行程,當然太太也不捨得花費一家人千多元在公園消費,今天就註定一人在公園遊盪.


其實海洋公園是香港人的驕傲,因為它是世界上排名前列好玩的主題樂園之一,只是它都經過一段漫長的黑暗日子,遊客少,入不敷支,那時我全家每年都用不超過一千元的費用,全年多次入塲.當然今天單就個人,最平宜都要近千元才有全年入塲証.


我最愛的是深海歷奇,相等於以前的海洋館,今天才明白為何不像以前大魚缸的設計,一次過可以睇晒所有公園的生物.



新設計讓我們可以有蛙人的視覺,像在海底觀賞生物的感覺.




這種置身其中的感覺相當不錯.



公園新穎的設計,在視覺的享受,感覺良好.




冰極天地-上次來時還未建成,今次進塲郤發現自己帶少了一件東西,防寒衣物,真的好冷



海象噸位龐大,海豹機靈活潑,北極狐~~~~孤單被困.





熱帶雨林~~新奇.




不過真係有點揾笨,玩那個激流,郤要被橋上不相識的遊客用水槍掃射.唔濕身就真係經歷一次奇蹟.




但一向唔多玩機動遊戲的我,對那邊的動物興趣更大,圖中是全世界最小的猿猴.



老大街都是我必遊的目標之一~~可惜和想像相差甚遠,比以前的集古村更少嘢睇.





或者人大咗,就更容易緬懷過去的日子,其實香港不斷進步也是必然的.



巧遇有演員演出歌舞,美中不足就是為迎合下個月哈佬喂的裝扮.




公園為我生日留下着落,也浪費了一天的光陰,如果能和我重視的人一齊過更好.



近來不論工作、家人和朋友各方面都為我帶來不同的衝擊,正好今天就是舒發的時候,我做了平時不會做的事.



就是和那些扮得古靈精怪的演員合照.


無論他們的扮相是甚麼(其實哈佬喂的,我一向不欣賞)




今天我需要的是盡興.



這天我孤單郤不寂寞.



35 則留言:

  1. 回覆
    1. 獨處真的不錯,只要不是經常如此便好.

      刪除
  2. 我幾年生日都遇o岩唔得閒.

    回覆刪除
    回覆
    1. 我也是少有的遇上是假期呢,所以不可能年年咁過.

      刪除
  3. 叮噹,生日快樂!
    為了進入冰極天地而帶的防寒衣物,出來後三+幾度天氣卻全程拿着,會有些阻礙。

    回覆刪除
    回覆
    1. 起碼都該帶件風褸吧.因為太凍都無心情慢慢欣賞.

      刪除
  4. 我都好多年無去過海洋公園,祝你生日快樂

    回覆刪除
    回覆
    1. 當然囉,海洋公園門票實在唔平.

      刪除
  5. 一個人遊海洋公園的確有點孤單
    但你樂在其中又有乜所謂^^
    也補祝你生日快樂!

    回覆刪除
    回覆
    1. 以前我是個較孤獨的人,對於孤單早已習慣,所以今天一日半日的孤獨,也不以為意.

      刪除
  6. 祝你生日快樂先~~~~~ 身體健康心想事成 !! 我都未試過生日去海洋公園...................

    回覆刪除
    回覆
    1. 多謝你的祝福,你點同我呢,你朋友咁多,生日一定好多人找你祝賀和活動,點似我要避走海洋公園咁慘喎.XD

      刪除
  7. 祝你生日快樂呀... 你一啲都唔寂寞.

    同一班表面的人一起出去才是最寂寞

    回覆刪除
    回覆
    1. 講得真好,的確要去就同真朋友去.

      刪除
  8. 生日快樂!我同你一樣,己經連續兩年生日去海洋公園玩!

    回覆刪除
    回覆
    1. 如果不是免費,也不會去海洋公園,太迫人了.

      刪除
  9. 叮噹,生日快樂呀!(''-^.^-'')
    遲咗tim...唔好意思呀!^.~

    回覆刪除
    回覆
    1. 其實我出呢篇己經遲咗幾天,都無咩唔好意思.

      刪除
  10. 生日與家人一起渡過,的確好溫馨.............

    回覆刪除
  11. 你拍的照片好靚。補祝你生日快樂!

    回覆刪除
    回覆
    1. 其實只係麻麻咋,大把人比我更好.

      刪除
  12. 送上遲來的生日祝福, 希望明年有知心朋友陪你一起過, 熱熱鬧鬧, 開開心心~

    回覆刪除
    回覆
    1. 多謝,明年係咩世界還未知道,不過和朋友一起過就一定更高興

      刪除
  13. 多謝,明年係咩世界還未知道,不過和朋友一起過就一定更高興.

    回覆刪除
  14. 好難搵到你啊,,,,,不如你追蹤埋我吖, 我就易搵你啦. ^^
    補祝你生日快樂~ 請問你係咁o岩放假, 定係請假去o架??

    回覆刪除
    回覆
    1. 剛巧是週日,不用請假了,
      初時都有用追踪功能,點知被炸爆信箱,所以沒有再追踪任何人.

      刪除
    2. 你save我個blog link 係閱讀清單就已經係追蹤我啦....唔係google+入面個追蹤o架.

      刪除