一年一度的書展,今年未有打算去,因為想買的書不多,而且未到書展,就已從其他書局買齊了.
不過總會為自己找個理由,免得錯過了,事後後悔.
那就藉詞找作者簽名做理由吧,但作者下午出席,自己郤去早塲,並且又無帶已買書,真係不夠諴意,幸好人家不會為我緣故出現書展(這當然囉),否則真的真的不該.
各書商為招徠客戶,攤位都搞得別出心裁,
不過專賣恐怖故事書的不用這樣吧,見佢塲面冷清,是否嚇走晒讀者呢~~
我貪得意拿起這些斷手玩弄一番,軟淋淋的感覺比血淋淋更加真實,其實又~~~幾好捏喎!
這個檔口似足樓上書店,而且內裏陳列的都是很二手的書(即是很陳舊),有種好懷舊的感覺,不過所買的書有番咁上下歷史,都是較偏左的文化理論.
這是甚麼,古懂掛~~像是一個印牌.
這些用膠袭套的的書,殘舊程度,大力啲都驚佢爛,年紀比我還要大~~
今次我在書展中只買了一本不算是心頭愛的書,或者是我一心只想找昔日的BLOG友,今天的作者取簽名,其實最主要是想為爭取夢想的朋友打打氣.
書展已經不是單單書展,還有別的展覽,這部要手撥的電話,年輕點的可能未見過.
以下的收銀機真經典
擺兩個紙紮公仔咁恐怖,我一定唔會行埋去
回覆刪除我對恐怖片已經麻木晒,所以唔多介懷,不過嫌有點不適宜這樣的佈置,因為有可能嚇親啲細路仔.
刪除可惜見唔到你,不過真係好多謝你支持!
回覆刪除我都想早啲去,無咁多人,但係上午要學畫畫XD
我都想去睇展覽,可惜太多人都無去到,好彩有你啲相!
其實我都覺得自己誠意不夠,既然想攞簽名,應該遷就作家的時間,只是我也怕人多,襯早塲人少入塲,下午人潮澎湃前離去,才無咁辛苦,不過好開心,能夠連續兩年都可以見妳的新作在書展中發售,真希望妳愈來愈紅,完成妳的夢想.
刪除我見人多冇入場了, 拜托了朋友搵沙沙簽o左個大名~ ^^ 原來你都係搵佢簽名呀~
刪除咁揾唔揾到佢呀?
刪除我都幾年無去書展了,書也買少了很多!因為實在沒地方放!! :p
回覆刪除我也頭痛呢,我家大廳,自己和仔女的床頭床尾,連我舅仔屋企都放滿我家的書藉,所以我都不敢買太多書,現在我家收藏的書真的可以開間二手書店有餘.
刪除仲出動甘多飾物擺設,呢個書展都算創意無限,唔怪得吸引甘多人去喇
回覆刪除係呢,我只係post咗少部份咋,真係唔單止睇書,淨係睇擺設都有排觀賞.
刪除你去的時候感覺人不是太多呢...
回覆刪除即使去書展,自己也真的沒買太多書了
和大家一樣,開始不夠位子放了><
我們都犯了一個毛病,就是不斷入書,但又不捨得棄書,連送俾人都心痛呀.
刪除想行下都無需理由,反正都係正常活動。
回覆刪除但有時人懶懶地,真係需要啲動力去支撐,好彩出了去書展,否則可能呆在家中.
刪除今年地方又大咗,攤位多咗,不過冇セ好買....
回覆刪除我都覺得自己今年無咩可以買,能買的都在書展前買了,人又多,想釘書都唔係太方便.
刪除如QQ選擇...會選擇貓書多。
回覆刪除咁今年又多咗好多貓書.
刪除這些斷手都幾恐怖~~~嚇c QQ啦!
回覆刪除係呢,真係書展都要搞到三級恐怖電影咁,嚇親細路仔就唔好啦.
刪除書展,我的最愛!這個星期六,這裡也有個大型書展,好期待呢
回覆刪除唔知外地的大型書展係點樣呢,妳到時介紹下啦.
刪除幾年冇去了..................
回覆刪除我都曾經有好幾年無去呢.
刪除好多年冇入埸
回覆刪除其實我曾經有好幾年無去.
刪除係啵,聽日係農曆七月喇!
回覆刪除應該唔係為應節掛.
刪除呀~~~呢幾日QQ好似唔見叮噹你嘅腳印,不過...而家見得番啦!太好了!^~^
回覆刪除哈哈,我一時懶惰啫~~
刪除有d擔心囉!不過...而家鬆一口氣啦!^0^
刪除見返叮噹真好,以為你都放暑假添!:-)
刪除唔係暑期,係寒期,所以個人冷冷地(懶懶地)
刪除書展多年冇去,現在真是各出奇謀~~~
回覆刪除為了行銷,當然出盡法宝.
刪除