2014年8月31日 星期日

開學啦~~囡囡與我不同的開學日


今天囡囡開學啦,
但囡囡昨晚還要開夜車做作業,我奇怪點解要待昨晚才趕功課,原因是有部份功課太太嫌囡囡做得不好要佢重做,而且重做都唔少~~~真係為囡囡心痛.
不過比起自己,她更勤力,自己細個時,暑期作業多數是臨急起貨,當然這種趕工是很難成功,於是各種蠱惑招數就會出籠.例如作業中間部份會省略唔做,借同學功課抄,甚至博大霧,用過期作業(例如上年的暑期作業)充數,但原來老師真的唔會睇我們的暑期作業,我一次都未穿崩過呢,但呢啲蠱惑嘢大家咪學呀~~


講起讀書,原來好多人在幼少第一次上學時都會哭,可能多數小孩在陌生環境會感覺害怕,而且那時沒有所謂學前教育,小朋友一時不會適應,第一天返學會哭似乎是理所當然,但當然都會有例外 情況, 有些小朋友竟然是第二天返學才會哭,可能第一天陌生的環境令他們產生好奇和探索的興趣,但第二天要來同樣的環境便扭計上來,所幸我倆個子女都無上述情況,他們那時都不知幾喜歡上學呢~~
返觀自己第一天上學也是沒有哭過的,但放學就喊到CC下,搞到要警察帶我上差館!因為我第一天放學就蕩失路,坐校車時落錯站返唔到屋企,好在在街上遇到好心人帶我揾警察,否則家人都幾難在警署揾番我呀~~


16 則留言:

  1. 開學了要提早出門,今朝我塞車塞到爆.....

    回覆刪除
    回覆
    1. 幸好囡囡在家住附近返學,影响不大,只是坐升降機時人多擠白咗啲.

      刪除
  2. 幼稚園時,小禺也喜歡上學,因學校多嘢玩、又有點心吃嘛,
    不過規矩多,後來又玩悶了很多設施,所以經常盼望升上小學,去小食部買零食,和在大操場奔跑呢:P

    回覆刪除
    回覆
    1. 一般嚟講,校園生活是人生較美好的時光.

      刪除
  3. 第一天放學就蕩失路!呵呵呵!嚇C咯!

    回覆刪除
    回覆
    1. 係呢~~真係嚇c人,那天還是孟蘭節添.

      刪除
  4. 回覆
    1. 多謝~~尔過我放下書包好耐,無得加油,就當妳為我囡囡打氣吧!

      刪除
  5. 我地老師會睇我地D功課,仲要改正添呀!~

    回覆刪除
  6. 話咁快就放完暑假...第一日返學,你囡囡好緊張呢?!^^

    好啦~~QQ為你囡囡打吓氣啦!^.~

    回覆刪除
    回覆
    1. 又唔覺得佢好緊喎,反而媽咪比較着緊真.

      刪除
  7. 這蕩失路的童年回憶幾可愛!

    回覆刪除
    回覆
    1. 可愛嗎??但當時嚇得我和家人CC下~~~

      刪除
  8. 哈哈,我就是第一天返學哭到CC 下那個。請問,你们一家都是基督徒嗎?

    回覆刪除