2016年6月12日 星期日

海洋公園~橫風橫雨也要去


因為早有約定,而太太是個決定了就一定要實行的人,所以朝早就算有黃色暴水警告,行程也沒有攺變.


太太至少五年無踏足公園,而女兒也渴望,趁着太太生日,讓她的決定付之實行無可厚非.


整天下着大雨無停過,一般人都會埋怨,但埋怨只會令大家不開心,倒不如開心完成這天行程更好.


最終是我變成最落湯雞模樣,但一家大細郤玩得好開心.


公園內食嘢最貴,這特色熊貓包味道不錯(其實是奶黃包),四件就48元.


貴到離譜的是這碟頭飯,有一小杯雪糕和一杯中國茶奉上,郤要140元.


太太生日有八折扣卷,加埋碟飯,這裏便要230多元,



公園食嘢和買嘢都預咗貴,太太生日都預咗洗錢,只是沒遇到自己心頭好.



 ,開心無價,也無懼風雨

27 則留言:

  1. 祝叮噹太靜兒生日快樂,仔女&老公都聽聽話話!哈哈....
    叮噹麻煩你轉述 XD

    回覆刪除
  2. 開心無價!既有約定、風雨無妨!

    回覆刪除
    回覆
    1. 約定了,就不能隨意攺動,何況和自己約定的是妻子和女兒.

      刪除
  3. 生日快樂!開開心心玩一天也不錯,食貴些少冇問題啦!

    回覆刪除
    回覆
    1. 對啊,只要開心食,開心玩就好,價錢可以放埋一便先.

      刪除
  4. 最緊要一家開心,我都是生日有勉費我才入去玩﹗

    回覆刪除
    回覆
    1. 以前我都趁生日去的,後來發覺生日竟被海洋公園佔據了,所以已不會生日時去了.但今次是太太的主意,也是女兒渴望,那就去吧.

      刪除
  5. 玩得開心就得啦,至於食物都係配角

    回覆刪除
  6. 開心無價,大雨也不怕!補祝生日快樂!身體健康!

    回覆刪除
  7. 橫風橫雨雖然冇咁好,但入場人少啲又冇咁曬呀!

    回覆刪除
    回覆
    1. 其實咁樣的天氣,都覺得人多,若好天,人多都爆.

      刪除
  8. 仲唸住黃雨吊車會停添😊

    回覆刪除
    回覆
    1. 初時我都以為會,但可能要有強風訊號才會停吧.

      刪除
  9. 仲唸住黃雨吊車會停添😊

    回覆刪除
  10. 心心說一聲..靜宜生日快樂!
    心心也祝叮噹一家開心快樂健康!

    回覆刪除
  11. 這黃雨下...真是很難忘的回憶呢!.(•‿•).

    回覆刪除
    回覆
    1. 但唔係黃雨會好啲╮(╯▽╰)╭

      刪除
    2. 下次就要帶更大把雨傘嘛!咁咪唔駛變落湯雞囉!^^

      刪除
    3. 其實我們三個人三把遮,但入塲無耐,我和太太的雨遮遮骨爛了,全程迫住用爛遮擋雨,而濕身主要是玩熱帶激流所至.女兒和太太有帶備風褸,只濕腳,我就由頭濕到落腳呢.

      刪除
  12. 不平凡的生日奇遇
    會讓你倆更加深刻難忘
    祝靜宜生日快樂

    回覆刪除
    回覆
    1. 相信太太一定難忘,而佢興趣不減,期望我生日那天再帶她到海洋公園玩,那天是閒日,女兒要上學,而我郤可以攞有薪假期,或者是再拍一次在海洋公園拍拖.

      刪除