當我對太太說要帶囡囡去室內跑步,太太第一個反應以為我搞笑,郤不知道原來香港共有五個康文署體育館設有室內緩跑徑.而我今次帶囡囡去的是天水圍天暉路68號的體育館.
也難怪太太不知道,就連我住在天水圍多年的朋友,也不知這裏有條跑步徑,常人都以為一定往外跑,那知可以室內跑呢~~
當天下午本來就要到濕地公園參加工作坊的活動,趁上午有空檔,早點入來天水圍運動,是因利乘便,天逸邨巴士總站行五分鐘便到達.
不知是否因為在濕地公園附近,門外都用了公園的吉祥物標誌~黑面琵鷺.
一般設施足夠,儲物室,更衣室,淋浴、食水齊全.
緩跑徑就架設在主塲上面,二樓.
跑步徑一圈有130米,圍繞8個圈便是一公里,特別的地方是
全塲步徑都是用厚又腍的膠墊包裹住,腳步接觸地面的撞擊力大大減輕,適合受傷或初跑者練習.
這樣絶頂的靚塲,我兩父女盡情的跑了很久.
囡囡不計離家頗遠路程,希望能經常來這裏練跑呢.
有咁嘅場地又唔錯喎
回覆刪除呢個塲都係好正,跑過的都讚!
刪除有室內緩跑徑真係好!
回覆刪除適合唔同人士需要,打風落雨都唔怕啦.
刪除呢座設計好環保,正!
回覆刪除你唔講,我都無意到環保成份添,係喎,起碼又慳咗土地,而且電力唔會嘥,起碼多咗人共用.
刪除唔講真係唔知喎,咁熱反而室內會C服D
回覆刪除冷氣夠凍,跑到幾身水身汗都可以.
刪除不單唔怕熱,打風落雨都唔驚了.
網上睇到好似唔止呢道有架。
回覆刪除對呀,香港康文署有五個室內體育館有跑步徑.
刪除全天候的設計
回覆刪除相信會是叮噹和囡囡
以後常來的熱點了
未必,因為香港五條室內跑道都唔就腳.
刪除叮噹有囡囡陪伴著做運動...任何地方都無所謂啦...係咪呢?!
回覆刪除這也是的,不過激發我要帶她到不同地方跑步就真.
刪除