2016年9月10日 星期六

和Pokemon Go算賬


這個大熱手機遊戲,相信不用多介紹,沒有幾多人不認識,起碼我這上電子遊戲白痴最近都玩上了.


由於比較埋身的朋友,都是教徒,而一般基督教會從一開始就認為那些角色是出於日本的鬼精靈,據我所知,單就是自己母會就是呼籲教友遠離這個著名的日本動畫.


十多廿年後,這個依日本動畫設計的手機遊戲一推出便大行其道,但身邊相熟的教友就立即呼籲教友們不要下載這遊戲,以免和靈界有所接觸.


可能是我離經背道,從這動畫一出,我便開始買週邊產品給自己的兒子,廿年後手機遊戲的出現,我就下載了和女兒一同分享遊戲的滋味.


這遊戲是好玩,但負面新聞不少,有人玩遊戲阻街,忘了自身安全過馬路,和同用公眾遊動場和公園人士有衝突.


但這遊戲有另一個好處是易玩,啱大人細路甚至老人家,又因這遊戲不能安坐家中玩,一定要出街,令平日足不出戶的宅男宅女或孤獨老人必定要出外面,離開自己的牢籠和外面接觸.


有的行走路多了,變相多了運動,對健康或多或少有幫助,有些平日收埋自己的,因為和志同道合的朋友一起出街捉精靈,多了朋友,擴濶了自己.


水能載舟,也能覆舟,就要睇自己能否駕馭了,我又如何呢~其實我不愛出夜街,都是返工放工時在巴士上玩,但我都想放棄了,畢竟凡事都可行,但郤不可受到轄制,我都差不多玩夠了,還有很多書藉和地方等我去挖掘呢~~


不過這遊戲真是有點趣味,.

25 則留言:

  1. 回覆
    1. 玩開就會有鋪癮,當初我都無興趣.下載都是為消磨無聊時間.

      刪除
  2. 無錯,出街次數多左好多,又跑左好多~~
    一家大細都啱玩既遊戲

    回覆刪除
    回覆
    1. 只是不太懂如何一邊跑,一邊捉精靈??對我太難啦,所以我跑步時是玩唔到的.

      刪除
  3. 這個遊戲都幾熱潮吓呢!在深夜...心心都見不少人還在捉精靈呀!

    回覆刪除
    回覆
    1. 係呀,好多時見網上新聞,同一個公園可以聚集咁多人玩,就連外國新聞都有報導香港這個現象.

      刪除
  4. 這個世界太多好東西玩,我放棄了這個遊戲。

    回覆刪除
    回覆
    1. 我都對這個遊戲冷淡了,畢竟它一定不是我的全部.

      刪除
  5. 有一次,駕車出外時,有對男女,在出路囗搵波波,呠都聽唔到!

    回覆刪除
    回覆
    1. 真係危險,我都見好多人一邊玩一邊過馬路,我都會替他們感到牙焑.

      刪除
  6. 有一次,駕車出外時,有對男女,在出路囗搵波波,呠都聽唔到!

    回覆刪除
  7. 和靈界有所接觸?
    言重了

    回覆刪除
    回覆
    1. 這是宗教界人士對這個遊戲的睇法,但不代表我,但太投入,放低日常生活的正常運作(外國就有人放棄高薪厚職,為的就是全身投入),那就真係同鬼上身都差唔多,唔駛咁喎,世界那麼大,為了個遊戲咁大付出..........

      刪除
  8. 中秋節快樂💜。゚💕我今年食左月餅了💖*¨💘你呢
    好友★。゚☾甜夢安唾嚟☁¨*☆晚安♦・゚✬星期二╠╣aΡpy

    回覆刪除
    回覆
    1. 中秋節快樂!都食咗月餅了.

      刪除
    2. 好友★。゚☾晚安☁¨*☆大家甜夢安唾嚟♦・゚✬星期三╠╣aΡpy

      刪除
  9. 我都冇玩,也沒打算玩,因為唔太想捉來捉去嘅遊戲

    回覆刪除
  10. 其實, 我都未看過套卡通, 但我以前教會好多小朋友子喜歡, 不過大多現在都變成宅男宅女, 出這個遊戲都好, 叫這些宅人多出街走走.

    回覆刪除
    回覆
    1. 其實都無絶對好與壞,要看啲人點去用,

      刪除
  11. 心心記得今天應該是叮噹的生日日子...............................
    在此...心心祝叮噹生日快樂!同時都祝叮噹和叮噹一家中秋節快樂!人月團圓!

    回覆刪除
    回覆
    1. ...............................就是在心中嘛!.(•‿•).

      刪除
  12. 祝叮噹生日快樂
    並祝你中秋節一家團團圓圓

    回覆刪除