2017年4月9日 星期日

跑遊南生圍-呢一跤跌得應一應


南生圍~~這一個咁天然美麗的地方,久不久來洗滌心靈是至佳選擇,而我就趁有時間就跑步入來.


一般乘坐街渡入村,要從山貝路行入去,但我選擇跑步入去,就由另一頭的山邊村入去.


路唔難揾,等於由另一頭西鐡站黃屋村出去吧.


只係入口又細又窄,一點也不起眼.


其實南生圍路,一路都無遮陰的地方,還是天氣涼爽時進行跑步活動比較適合.


沿途都見到有其他人進行跑步和踏單車的戶外活動.


只是進入大路,會由雙線來回行車變成單線來回行車,而行人路又窄,跑步和踏單車也需要小心來往車輛.


大概跑了四公里多,就到達了南生圍最多人放遙控飛機或遙控車的地方,也就是我到了南生圍了.


幸苦了三十幾四十分鐘,終於可以放慢腳步,欣賞這自然美景.


這裏不是私人擁有的地方,是香港市民的寶貴公共財產.


這婚紗橋,爛了又補,補了又爛,終於義務補橋的伯伯都頂唔順,宣佈放棄修補了.


最後揀了一間位於魚塘邊的士多,吃番碗冷凍豆腐花.


邊食豆腐花,邊欣賞魚塘美景,真係賞心樂事.都只係十元找數,計落都抵食.


食完要返回婚紗橋跑回頭路了.


有人問我點解要入元朗跑步,其實跑唔同的路,可以保持新鮮感,持續跑步的樂趣.


這趟邊跑邊影相,欣賞美景又可以做運動,還吃了可口的豆腐花添,若不是在回程的尾段跌了一跤,擦損了膝蓋,了嘴角和幾乎撞崩門牙,這趟旅程甚至完美.

23 則留言:

  1. 我幾十年沒有再踏足南生圍,只記得那兩排樹

    回覆刪除
    回覆
    1. 那兩排樹曾經過火劫重生,或者已經不像妳當年所見的模樣。

      刪除
  2. 這裏曾經歷幾次小火,我估現在的模樣,可能和妳以前見的會有出入.

    回覆刪除
  3. 「呢一跤跌得應一應 」好番未呀?!

    回覆刪除
    回覆
    1. 昨天跌親,咪咁快好,幸好是皮外傷,唔係咁大件事。

      刪除
  4. 皮外傷好快好番,最近天氣又潮濕,跑面濕滑,小心呀﹗

    回覆刪除
    回覆
    1. 我跌低是因為踏空了,地面其實並不濕滑。皮外傷好快痊癒的,謝謝關心。

      刪除
  5. 如果不是跑不同的風景路, 就會同用跑步機一樣了.

    希望你快好番.,

    回覆刪除
    回覆
    1. 跑步機的好處是不用日曬雨淋,有些型號還有冷風空調添,真係啱有需要人士㗎。

      刪除
    2. 最好有埋40吋大電視係前邊, 就無得彈了.

      刪除
    3. 聽聞有啲健身室真係有大電視。

      刪除
  6. 我最近都學人去跑吓步,不過只係在屋企附近的跑步徑,
    嘻嘻⋯⋯其實只跑了兩日,希望可以堅持啦 :p

    回覆刪除
    回覆
    1. 加油呀!聽講如能維持至少超過28日就會成為習慣.到時就輕鬆很多.

      刪除
  7. 我上次去,影咗好多相,回家發覺一張都無影>_<

    回覆刪除
    回覆
    1. 妳錯過了……不知要等何時才會見到完好的婚紗橋。

      刪除
  8. 婚紗橋俾人踩得多都心驚佢何時頂唔順有日會崩塌.....

    回覆刪除
    回覆
    1. 當天見到仍有人小心翼翼上橋影相,而另有一些人為安全起見,站橋邊影算了。

      刪除
  9. 心心睇完叮噹你最後嗰段...個心都嚇一跳啦!小心D嘛!下次真小心D喇!

    回覆刪除
    回覆
    1. 意外總是在自己不為意時發生的,以後會小心的了.

      刪除
  10. 哎呀,小心D呀,好返先再去跑啦

    回覆刪除
    回覆
    1. 知道了,只是皮外傷,不會影響以後的活動,不過這幾天還是等傷口無咁痛才進行好了.

      刪除
  11. 咁遠都去跑步
    欣賞叮噹你對運動的堅持和熱誠
    祝早日康復
    小心門牙

    回覆刪除
  12. 對,門牙鬆鬆地,真係唔可以掉以輕心,好在今天情況大大好轉.

    回覆刪除