2017年7月22日 星期六

愛閱讀,也愛書展.

家裏通地都係書,部份還要擺放在親戚家中,雖然如此,我們還是會去書展購買心儀書藉.



或者本身讀書不多,對知識的渴求就特別大,年青時喜歡閱讀專業知識(如心理學哲學等),人長了點,感性多了一點就喜歡小說系列,隨着年紀愈大,對生活趣味着迷,就專注攝影的課題.後後年紀真的不少了,對健康着緊,就多看運動的書藉.


所以我有書海之戀也不足為奇,而且難得一家人都鐘情閱讀更是難得.


第一次帶旅行喼去書展,郤未算滿載而歸,其實喼雖然可以載好多戰利品,但帶住個喼去書展和人家一齊去迫,不是輕鬆的事.


難得書展會場一角有運動消閒博覽,真係有得睇,又有得玩.


睇書之餘,又何欣賞同場不同的表演.


我的消費不多,就只買了三本消閒書藉.


囝囝前一天呻讀醫壓力大,想玩一些模型減壓,太太趁書展就買了一大堆紙版模型,不過這真的適合一個廿零歲的年青人玩嗎?


剛升上中學的囡囡最實際,她料想中學會好多筆記要做,就只專注買筆記簿,只是太太為她選購的簿雖然價錢便宜,但封面就........所以回到家中,女兒就動手將筆記簿改頭換面,為求適合自己.


這一堆都是場內的贈品,數量比起我們買的還要多.


如此,我家又多了一堆書了.

17 則留言:

  1. 真係屋企要有多餘地方先好去書展 :P

    回覆刪除
  2. 其實我都試過去書展帶住咁大喼人迫人好唔方便,不過唔拖喼,買多幾本又拎又行好累,真係兩難....

    回覆刪除
    回覆
    1. 咁我一家三個人,攞個拖喼都算係咁,其實當天都唔少人帶喼.

      刪除
  3. 全家人有共同興趣真難得呢!

    回覆刪除
    回覆
    1. 所以會產生唔夠地方放書的問題.

      刪除
  4. 我覺得拖喼行書展
    還是利多於弊
    在現場相信還是很普遍的

    回覆刪除
    回覆
    1. 講得無錯,或者帶拖喼行書展已成大眾慣例.

      刪除
  5. 有無去1樓易搜書攤位?有1元1本二手書義賣。

    回覆刪除
  6. 我己好多年冇去書展,怕人多!

    回覆刪除
    回覆
    1. 我其實都好怕人多的地方,所以盡挑人少的時候來.

      刪除