2014年1月18日 星期六

燉橙治久咳


小百多:我哋的主人平日將我哋擺埋一邊,點解今天咁好攞我哋出嚟呀!


小吱喳:佢病咗成個星期有多,現在還有點咳,咪想我哋出來幫佢手,出篇BLOG囉.


小百明:佢呢排多嘢做,唔夠瞓,又要練跑步,準備下個月馬拉松,現在唔治好啲咳唔得喎~~


小百多:其實佢都好得七七八八,只係欠啲咳未好咋.


小吱喳:人一咳就好麻煩,好難止到咳的咁一定要幫佢至得,揾啲啱佢食的東西吧!


小百多:咁啱呢處有個橙,俾佢食,補充維他命C,增強抵抗力.

小百明:你唔係呀~係人都知咳緊唔好食橙啦,生冷嘢愈食愈咳呀!


小吱喳:凍的橙當然唔好啦,但熱的橙不單不會令咳嗽嚴重咗,而且可以冶咳添~

小百明:吓!食熱橙?可以咁咩~~                                                                                 

小吱喳:當然可以啦,而且還是民間鎮咳良方,等我哋一齊燉個熱橙給主人食啦~~


小百多:做咩擺把刀對住我,我無偷嘢好耐啦,求妳唔好拉我上警局~~

小吱喳:偷嘢當然唔好啦,不過唔係用刀指住你,只係要嚟用啫,話時話,你呢個橙係邊度揾番嚟?

小百多:我係主人屋企揾到,又打算俾佢食,唔算偷喎~

小百明:不問自取算係咩呢,不過現在唔同你計住,我哋現在開始制作燉橙啦.


小吱喳:首先準備一個大又好,細也可以的橙,先將橙的頂端切開,留用.


再在中間不深不淺的界開十字


落半匙粗鹽在十字界口裏面,若有川貝同時落埋會更好.


小百多:咁啱主人家裏無晒川貝添,咁係咪個燉橙會無咗鎮咳功效呀!

小百明:主人家有無川貝你都知?                                                              

小百多:主人老婆今天同主人講過,我聽到之嘛~~                                   


小吱喳:有川貝當然更好啦,就算只有粗鹽一樣咁有功效的.


小吱喳:跟住攞番先前切開的頂部,用竹簽或牙簽串同個橙番好佢


跟着用碗放落煲度隔水燉佢約20分鐘,小百多就交你睇火啦.


小百多:真好介紹,膠公仔最怕火,容咩易熔咗我呀~~


不過為咗主人,唯有蝕底啲啦~~


講講下就已經20分鐘了,咦?好似有啲唔妥~~


牙簽拮唔實,個切口爆開晒添~~


小吱喳:下次串實啲啦,早晚一個,咳就好快好.


小百多:咁係咪連皮食呀~

小吱喳:邊有人食橙連皮食呀,快啲剥咗啲皮俾主人啦~


小吱喳;雖然啲鹽在燉的過程中已經熔掉,若不先將橙肉和汁壓均,食落會好鹹的.


壓出汁,橙肉和汁撈撈佢,鹹中帶着酸甜會好好味的.


記住要食飲埋碗裏面的汁水喎,咪做大嘥鬼.


主人真聽話,食到隻碗咁乾淨.


小百多:好囉,主人啲咳有望早啲好,但唔知我哋重有無機會和大家見面呢?


小吱喳:主人身體好,我哋都功成身退啦,以後有無機會再出鏡都唔重要囉.


小百明:為朋友開心和健康,有時我哋做咗咩事或者會無人記念,但一份心意已經足夠.

大家好,若有人咳了好耐都未好,可以介紹這個偏方比佢喎,主人每次食一、兩天便好起來,非常有效的,下次若主人又頭暈身興時再和大家見面啦~

30 則留言:

  1. 既然咁好, 等我明日試吓先, 氣管炎好咗, 但夜晚瞓著都會咳醒幾次, 我一定會試的. 謝謝分享!

    回覆刪除
    回覆
    1. 係呀,臨睡前吃一服,睡眠唔會該醒的.

      刪除
  2. 等我都試試先!什麼咳都可以的嗎?

    回覆刪除
    回覆
    1. 我就覺得無分,但最近聽過話寒咳不太好,但我唔覺係咁.

      刪除
  3. 多謝介紹~冬天要TAKE CARE~^^

    回覆刪除
    回覆
    1. 冬天就易有氣管問題,這個方法幾好.

      刪除
  4. 我都聽人講過這方法,但自己就未試過。
    祝早日康復 :)

    回覆刪除
  5. 好似睇動畫咁!有趣!祝早日康復!快要跑馬拉松啦!

    回覆刪除
  6. Thank you. I'll try. I have coughed for more than a month.

    回覆刪除
    回覆
    1. 咁你要試試了,但咳了一個月咁耐,你更應該照照肺好啲.

      刪除
  7. 咁你要試試了,但咳了一個月咁耐,你更應該照照肺好啲.

    回覆刪除
  8. 介紹得很清楚又有趣,真係好分享!

    回覆刪除
  9. 我相信這個方法醫咳係一定得嘅!
    也欣賞你用小吱喳等咁得意嘅方法介紹!

    回覆刪除
  10. 食過,但唔好味囉................... 輯相好攪野呀 ^_^

    回覆刪除
    回覆
    1. 比唔上你的相呢~~
      唔好味?是否鹽的份量不對,太多和唔均勻,就會難吃,所以吃之前橙肉和汁要壓壓和撈撈佢才好.

      刪除
  11. 比唔上你的相呢~~
    唔好味?是否鹽的份量不對,太多和唔均勻,就會難吃,所以吃之前橙肉和汁要壓壓和撈撈佢才好.

    回覆刪除
  12. 介紹得很好!可以俾多d機會佢哋呀 ^^

    回覆刪除
  13. 好有趣的表達方法 ^^ 好好保重,馬拉松加油啊

    回覆刪除
    回覆
    1. 我真係要保重,健康欠佳,不單影响日常工作,還影响了練習的時間,到時都唔知點跑.

      刪除
  14. ⌒Ѽ╮大家六六無窮笑盈盈六福齊來⌒Ѽ╮
    ╔╗═╔╗¤*¨。•°•** 。°•❣窩心錫錫❉幸福抱抱2Ѽ14
    ║║═║║¤*¨❉•°\(◔◡◔)/農曆新年喇喂⊹✾*・*♥•*´*`
    ║╚═╝╠══╦══╦══╦╗─╔╗⌒✿╮¸„ø¤º°¨ƸӜƷ
    ║╔═╗║╔╗║╔╗║╔╗║║─║║══╔╗⌒✿╮¸„ø¤º°¨ʚïɞ
    ║║═║║╔╗║╚╝║╚╝║╚═╝║═╔╝╠═╦╦╗
    ╚╝═╚╩╝╚╣╔═╣╔═╩═╗╔╝═║╬║╬║║║
    ═══════║║═║║═╔═╝║══╚═╩╩╬╗║
    ═══════╚╝═╚╝═╚══╝══════╚═╝*´❀
    ¸.•*¨✿❀¸.•*¨❦¸.•*¨✿❀¸.•*¨❦¸.•*¨✿❀¸.•*¨❦。•*´*✿

    回覆刪除
    回覆
    1. 大家都咁話~~
      謝謝!
      新年快樂!

      刪除
  15. E.......E......!叮噹你個blogger唔同咗嘅?! 同之前有d唔同?! 唔通QQ去咗錯地方?! ^^

    回覆刪除
    回覆
    1. 無去錯,那一個也是我的BLOG,但間中用,主要用來分享閱讀的感受,而這個就是主要塲地,較多我的分享,可以留意右欄的設定/

      刪除
    2. 嗯~~~原來係咁!Blogger工能真多呢...QQ都要慢慢研究一下先!^^

      刪除
  16. 我還是喜歡就咁食呀!

    回覆刪除