小百多:我哋的主人平日將我哋擺埋一邊,點解今天咁好攞我哋出嚟呀!
小吱喳:佢病咗成個星期有多,現在還有點咳,咪想我哋出來幫佢手,出篇BLOG囉.
小百明:佢呢排多嘢做,唔夠瞓,又要練跑步,準備下個月馬拉松,現在唔治好啲咳唔得喎~~
小百多:其實佢都好得七七八八,只係欠啲咳未好咋.
小吱喳:人一咳就好麻煩,好難止到咳的咁一定要幫佢至得,揾啲啱佢食的東西吧!
小百多:咁啱呢處有個橙,俾佢食,補充維他命C,增強抵抗力.
小百明:你唔係呀~係人都知咳緊唔好食橙啦,生冷嘢愈食愈咳呀!
小吱喳:凍的橙當然唔好啦,但熱的橙不單不會令咳嗽嚴重咗,而且可以冶咳添~
小百明:吓!食熱橙?可以咁咩~~
小吱喳:當然可以啦,而且還是民間鎮咳良方,等我哋一齊燉個熱橙給主人食啦~~
小百多:做咩擺把刀對住我,我無偷嘢好耐啦,求妳唔好拉我上警局~~
小吱喳:偷嘢當然唔好啦,不過唔係用刀指住你,只係要嚟用啫,話時話,你呢個橙係邊度揾番嚟?
小百多:我係主人屋企揾到,又打算俾佢食,唔算偷喎~
小百明:不問自取算係咩呢,不過現在唔同你計住,我哋現在開始制作燉橙啦.
小吱喳:首先準備一個大又好,細也可以的橙,先將橙的頂端切開,留用.
再在中間不深不淺的界開十字
落半匙粗鹽在十字界口裏面,若有川貝同時落埋會更好.
小百多:咁啱主人家裏無晒川貝添,咁係咪個燉橙會無咗鎮咳功效呀!
小百明:主人家有無川貝你都知?
小百多:主人老婆今天同主人講過,我聽到之嘛~~
小吱喳:有川貝當然更好啦,就算只有粗鹽一樣咁有功效的.
小吱喳:跟住攞番先前切開的頂部,用竹簽或牙簽串同個橙番好佢
跟着用碗放落煲度隔水燉佢約20分鐘,小百多就交你睇火啦.
小百多:真好介紹,膠公仔最怕火,容咩易熔咗我呀~~
不過為咗主人,唯有蝕底啲啦~~
講講下就已經20分鐘了,咦?好似有啲唔妥~~
牙簽拮唔實,個切口爆開晒添~~
小吱喳:下次串實啲啦,早晚一個,咳就好快好.
小百多:咁係咪連皮食呀~
小吱喳:邊有人食橙連皮食呀,快啲剥咗啲皮俾主人啦~
小吱喳;雖然啲鹽在燉的過程中已經熔掉,若不先將橙肉和汁壓均,食落會好鹹的.
壓出汁,橙肉和汁撈撈佢,鹹中帶着酸甜會好好味的.
記住要食飲埋碗裏面的汁水喎,咪做大嘥鬼.
主人真聽話,食到隻碗咁乾淨.
小百多:好囉,主人啲咳有望早啲好,但唔知我哋重有無機會和大家見面呢?
小吱喳:主人身體好,我哋都功成身退啦,以後有無機會再出鏡都唔重要囉.
小百明:為朋友開心和健康,有時我哋做咗咩事或者會無人記念,但一份心意已經足夠.
大家好,若有人咳了好耐都未好,可以介紹這個偏方比佢喎,主人每次食一、兩天便好起來,非常有效的,下次若主人又頭暈身興時再和大家見面啦~
既然咁好, 等我明日試吓先, 氣管炎好咗, 但夜晚瞓著都會咳醒幾次, 我一定會試的. 謝謝分享!
回覆刪除係呀,臨睡前吃一服,睡眠唔會該醒的.
刪除等我都試試先!什麼咳都可以的嗎?
回覆刪除我就覺得無分,但最近聽過話寒咳不太好,但我唔覺係咁.
刪除多謝介紹~冬天要TAKE CARE~^^
回覆刪除冬天就易有氣管問題,這個方法幾好.
刪除我都聽人講過這方法,但自己就未試過。
回覆刪除祝早日康復 :)
有需要時就試下啦,唔錯的.
刪除好似睇動畫咁!有趣!祝早日康復!快要跑馬拉松啦!
回覆刪除這種方式寫BLOG都是第一次.
刪除Thank you. I'll try. I have coughed for more than a month.
回覆刪除咁你要試試了,但咳了一個月咁耐,你更應該照照肺好啲.
刪除咁你要試試了,但咳了一個月咁耐,你更應該照照肺好啲.
回覆刪除介紹得很清楚又有趣,真係好分享!
回覆刪除係一個唔錯的偏方.
刪除我相信這個方法醫咳係一定得嘅!
回覆刪除也欣賞你用小吱喳等咁得意嘅方法介紹!
小吱喳一定會好高興~
刪除食過,但唔好味囉................... 輯相好攪野呀 ^_^
回覆刪除比唔上你的相呢~~
刪除唔好味?是否鹽的份量不對,太多和唔均勻,就會難吃,所以吃之前橙肉和汁要壓壓和撈撈佢才好.
比唔上你的相呢~~
回覆刪除唔好味?是否鹽的份量不對,太多和唔均勻,就會難吃,所以吃之前橙肉和汁要壓壓和撈撈佢才好.
介紹得很好!可以俾多d機會佢哋呀 ^^
回覆刪除多謝妳為他們爭取機會呀~~
刪除好有趣的表達方法 ^^ 好好保重,馬拉松加油啊
回覆刪除我真係要保重,健康欠佳,不單影响日常工作,還影响了練習的時間,到時都唔知點跑.
刪除⌒Ѽ╮大家六六無窮笑盈盈六福齊來⌒Ѽ╮
回覆刪除╔╗═╔╗¤*¨。•°•** 。°•❣窩心錫錫❉幸福抱抱2Ѽ14
║║═║║¤*¨❉•°\(◔◡◔)/農曆新年喇喂⊹✾*・*♥•*´*`
║╚═╝╠══╦══╦══╦╗─╔╗⌒✿╮¸„ø¤º°¨ƸӜƷ
║╔═╗║╔╗║╔╗║╔╗║║─║║══╔╗⌒✿╮¸„ø¤º°¨ʚïɞ
║║═║║╔╗║╚╝║╚╝║╚═╝║═╔╝╠═╦╦╗
╚╝═╚╩╝╚╣╔═╣╔═╩═╗╔╝═║╬║╬║║║
═══════║║═║║═╔═╝║══╚═╩╩╬╗║
═══════╚╝═╚╝═╚══╝══════╚═╝*´❀
¸.•*¨✿❀¸.•*¨❦¸.•*¨✿❀¸.•*¨❦¸.•*¨✿❀¸.•*¨❦。•*´*✿
大家都咁話~~
刪除謝謝!
新年快樂!
E.......E......!叮噹你個blogger唔同咗嘅?! 同之前有d唔同?! 唔通QQ去咗錯地方?! ^^
回覆刪除無去錯,那一個也是我的BLOG,但間中用,主要用來分享閱讀的感受,而這個就是主要塲地,較多我的分享,可以留意右欄的設定/
刪除嗯~~~原來係咁!Blogger工能真多呢...QQ都要慢慢研究一下先!^^
刪除我還是喜歡就咁食呀!
回覆刪除